Hugrún Sigurjónsdóttir, sálfræðingur

hugrun85(hja)hotmail.com

Hugrún sinnir einstaklingsmeðferð í starfi sínu þar sem hún notast við gagnreyndar sálfræðilegar aðferðir eins og hugræna atferlismeðferð (HAM) og atferlis og sáttarmeðferð (ACT).  Hún sinnir meðferð sem tengist þunglyndi, kvíða, streitu, áföllum og lágu sjálfsmati.

Hugrún hóf störf sem sálfræðingur á Reykjalundi árið 2021. Þar áður starfaði hún hjá Heilsugæslu Austurlands frá 2020-2021, og sjálfstætt starfandi sálfræðingur hjá Sálfræðistofu Suðurnesja frá 2018-2020. Hún var starfandi sálfræðingur við ýmsa grunnskóla í Kópavogi frá 2007-2017. Hugrún hefur haldið námskeið byggð á hugrænni atferlismeðferð við kvíða, þunglyndi og við lágu sjálfsmati á vegum Reykjalundar.

Hugrún vinnur að þýðingu bókarinnar „Happiness trap.“ Bókin byggir á meðferðarstefnu ACT (Atferlis og sáttarmeðferðar) og í henni er að finna hagnýtar ráðleggingar til þeirra sem eru að glíma við streitu, kvíða, þunglyndi og almenna vanlíðan. Bókin er væntanleg á markað í ársbyrjun 2023.

Hugrún lauk BA prófi í sálfræði frá Háskóla Íslands árið 1993 og cand.psych. námi í sálfræði frá Háskólanum í Árósum árið 2000. Hún lauk sérnámi í hugrænni atferlismeðferð (HAM) frá Endurmenntun Háskóla Íslands árið 2021. Hugrún er meðlimur í Sálfræðingafélagi Íslands og Félagi sjálfstætt starfandi sálfræðinga.

Hugrún hóf störf á Líf og sál, sálfræði- og ráðgjafastofu í desember 2022.