Dávur í Dali, Sálfræðingur

davur(hjá)lifogsal.is

 

Dávur sinnir sálfræðiþjónustu fyrir fullorðið fólk. Hann notast við sannreyndar aðferðir innan sálfræðinnar, eins og hugræna atferlismeðferð (HAM) og hugræna innsæismeðferð (HI).

 

Dávur veitir sálfræðiþjónustu á íslensku, ensku, dönsku og færeysku.

 

Dávur hefur reynslu af að veita meðferð við m.a. þunglyndi, lágu sjálfsmati, svefnvanda, almennri kvíðaröskun, ofsakvíða, heilsukvíða, félagskvíða, sértækri fælni (fóbíu) og geðrofsvanda. Hann hefur einnig reynslu af að kortleggja og meðhöndla flókinn vanda sem passar illa í þessa “kassa” sem greiningar geta verið.

 

Dávur hefur eftir útskrift starfað sem sálfræðingur á geðsviði Landspítalans, m.a. í þunglyndis- og kvíðateyminu, á Móttökugeðdeild, og vinnur nú á Meðferðargeðdeild Geðrofssjúkdóma.

 

Dávur útskrifaðist með meistaragráðu í klínískri sálfræði frá Háskólanum í Reykjavík árið 2020. Hann var í starfsnámi hjá þjónustumiðstöð Rekjavíkurborgar, sálfræðiþjónustunni í Háskólanum í Reykjavík og hjá Heilsugæslunni í Grafarvogi. Grunnnámið í sálfræði tók Dávur við Háskóla Íslands.

 

Dávur hóf störf hjá Líf og sál í janúar 2022.