Vinnustaðagreining  

• Yfirleitt framkvæmd þegar stjórnendur hafa grun um erfiðleika á vinnustaðnum, s.s. vegna samskipta, álags, breytinga, stjórnunarhátta eða áfalla.
• Yfirleitt framkvæmd með einstaklingsviðtölum sem gefa góða innsýn í upplifun starfsfólks.
• Getur bæði verið nokkuð almenn en einnig sértæk þar sem áhersla er lögð á að spyrja út í tiltekin atriði í starfsumhverfinu.
• Getur líka verið almenn, þar sem spurt er út í alla helstu andlega og félagslega þætti starfsumhverfisins.
• Niðurstöðum skilað skriflega til stjórnenda með tillögum að úrbótum.

Áhættumat

• Oftast framkvæmt með rafrænni könnun en stundum eru einnig myndaðir rýnihópar á vinnustaðnum.
• Yfirleitt almennt og víðtækt.
• Spurt um alla helstu andlega og félagslega þætti starfsumhverfisins.
• Gefur góða yfirsýn yfir starfsánægju og líðan á vinnustaðnum.
• Gerir kleift að ná til alls starfsfólk vinnustaðarins með skilvirkum hætti.
• Liður í því að tryggja starfsfólki öruggar og heilsusamlegar vinnuaðstæður.
• Skylt að framkvæma reglulega samkvæmt vinnuverndarlögum (nr.46/1980).
• Niðurstöðum skilað skriflega ásamt tillögum til úrbóta.

Þegar skapa á heilbrigt starfsumhverfi er gagnlegt að safna upplýsingum með gerð vinnustaðagreiningar
eða áhættumats. Þær upplýsingar sem aflað er á þann máta geta varpað ljósi á það hvar vinnustaðurinn stendur varðandi starfsánægju, samskipti, álag og streitu, hollustu, vinnustaðamenningu og stjórnun svo dæmi séu tekin. Stjórnendur verða í betri stöðu til að finna hvar tækifærin liggja í að gera vinnustaðinn heilbrigðari og einnig eykur slík greining líkur á að ná settum markmiðum.

Líf og sál hefur verið með viðurkenningu Vinnueftirlitsins sem þjónustuaðili á sviði vinnuverndar frá árinu 2003, með sérstöku tilliti til sálfélagslegra áhættuþátta í starfsumhverfinu.