Jóhann B Arngrímsson

Jóhann sinnir bæði einstaklingum og fyrirtækjum. Hann notast við gagnreyndar aðferðir, svo sem hugræna atferlismeðferð (HAM) og ACT, og vinnur með fjölþættan vanda, svo sem streitu, kulnun, kvíða, lágt sjálfsmat og samskiptavanda.

Jóhann sinnir einnig málefnum tengdum sálfélagslegu öryggi á vinnustöðum, vinnustaðagreiningum og eineltismálum. Hann er með viðurkenningu sem þjónustuaðili í sálfélagslegum áhættuþáttum hjá Vinnueftirlitinu.

Jóhann lauk BS-gráðu í sálfræði frá Háskóla Íslands 2011 og cand. psych. gráðu frá sama skóla 2015. Frá útskrift hefur hann starfað sem sálfræðingur hjá heilsugæslu, félagsþjónustu, skólaþjónustu og Krabbameinsfélagi Íslands.