Soffía Magnúsdóttir

Soffía lauk cand. psych. prófi frá sálfræðideild Háskóla Íslands 2014 og hefur fjölbreytta reynslu af greiningu og meðferð geðræns vanda hjá fullorðnum. Hún vinnur meðal annars með vanda tengdan depurð, kvíða og áföllum.

Soffía notast við viðurkennda meðferð, meðal annars hugræna atferlismeðferð (CBT), núvitund og EMDR. Hún hefur meðal annars lokið námskeiði í CBT Theory and Formulation hjá Endurmenntun Háskóla Íslands, námskeiði í sjálfsvígsforvörnum með CAMS-nálgun á vegum Háskólans í Árósum, námskeiðum í greiningu og meðferð hugrofsraskana tengdum áfallastreitu hjá Modum Bad í Noregi og þjálfun á 1. þrepi í EMDR hjá NKVTS.

Soffía hefur verið búsett í Noregi undanfarin ár og starfað þar sem sálfræðingur á göngu- og innlagnardeild geðsviðs sjúkrahúss og við heilsugæslu.